Sverre Lunde Pedersen fekk i dag igjen for at han er vant med forholda på Slåtthaug, meinte NRK-kommentatorane. (Foto: Ørjan Håland)

Jubel i Japan!

Sverre klinte til med medalje på 5000 meter.

Av: Kjetil Vasby Bruarøy

Førre helg blei det bronse på lagtempo, 7. plass på 1500 meter og 5. plass på 5000 meter på Sverre Lunde Pedersen i verdscupopninga i Obihiro.

Verdscupen held fram i Japan, denne helga går runde 2 i Tomakomai. Fredag blei det sølv på det norske herrelaget, laurdag fekk Sverre 5. plass på 1500 meter og søndag morgon norsk tid sto 5000-meteren for tur.

Sverre gjekk i siste par mot russiske Alexander Rumyantsev.

– Dagens beste 5000 meter

Det var lunken, men håpefull stemning i studio i første del av Sverre sitt løp. NRK-kommentatorane meinte Sverre såg fin ut, men at han mått litt ned i rundetid.

Etter fire minutt fekk vi som bestilt. Sverre auka tempoet, gjekk forbi Rumyantsev og segla opp på pallen.

Han truga ikkje tida til vinnar Bart Swings, men tok ein fin 2. plass med tida 6.36,9 (+2,0)

– Sverre er friskmeldt! Dette er nok dagens beste 5000 meter, for Swings gjekk under betre forhold. Her får Sverre igjen for alle timane på Slåtthaug, sa kommentatorane.

Dermed er første individuelle medalje i bok, allereie i andre verdscup.

Sånn ser resten av kalenderen ut:
7. - 9. desember: World Cup 3 (Tomazsow, Polen)
14. - 16. desember: World Cup 4 (Heerenveen, Nederland)
29. - 30. desember: NM allround (Arendal)
1. - 3. februar: World Cup 5 (Vikingskipet)
7. - 10. februar: VM enkeltdistansar (Inzell, Tyskland)
2. - 3. mars: VM allround (Calgary, Canada)
9. - 10. mars: World Cup finale (Salt Lake City, USA)

Duka for Os-fest i Inzell

Midtsiden arrangerer tur til Inzell saman med Os Travel i februar.

Her er alle dei første 20 billettane selte, i tillegg er det minst 10 osingar som hadde sikra seg billett før vår pakke var lansert.

Os Travel er no i ferd med å sikra fleire billettar til turen.

– Bussen eg har booka tar 38 passasjerar, vi booker no inn fleire rom og flysete, seier Hans Parnefält frå Os Travel.

• Midtsiden samleside: Skøyter

Fleire saker