Jublar over nytt løyve
Catten får skjenka ute under Osfest.
Bildeserie:
Catten Nightclub får, som i fjor, skjenka utandørs under Osfest 31. juli og 1. august.
– I fjor fekk vi ikkje lov til å rigga telt rett utanfor, vi måtte bort på Baronsplassen.
– Dette er meir praktisk både for oss og for gjestane. No slepp dei blant anna å gå over halve Osøyro for å koma til toalettet, seier innehavar Bjarte Andersen.
God respons i regnet i fjor
Osfest, som var ny festival i fjor, fekk som kjent ein svært våt debut.
Likevel var det bra med gjestar, også inne og ute hos Catten.
– Vi hadde fullt hus heile helga, også i teltet.
I år set han opp 12 x 5 meter rett utanfor inngangsdøra.
Levande musikk
Også hos Catten blir det levande musikk både innandørs og utandørs.
– Vi har som vanleg pianobar inne, utandørs blir det piano eller trubadur. Vi kjem nok til å opna i teltet på ettermiddagen, i 17-18-tida, og har løyve til å skjenka til klokka 3 om natta også ute.
Det blir sperra av for kontroll, men gratis inngang. Aldersgrensa blir 20 år både i teltet og på nattklubben.
Osfest ligg langt framfor fjoråret når det kjem til billettsal. Elg, Morten Abel og Kurt Nilsen er blant årets artistar.
Spennande? Vil du ha ukas høgdepunkt i innboksen?
Les meir om
Tilbod: 1 månad for 1 kr
No kan du lesa Midtsiden.no i 1 månad for kun 1 kr.
- Tilgang til alt innhald
- Utan bindingstid
- Frå 145 kr/md.
Abonnementet blir fornya kvar månad. Du kan seia opp kor tid du vil, og blir då ikkje belasta for neste periode.