Julekonsert som gav frysingar

Tekst og foto: Erik Ask

I sommar gav ho oss ei vakker stund i Vognhallen, onsdag 11. desember var Helene Bøksle tilbake i Os for å skapa julestemning i Oseana.

Surt var vêret ute, men publikum fann fort varmen då Helene starta julekonserten sin for nesten fullsett sal.

Konserten har fått tittelen «Det hev ei rose sprunge» - tufta på Helene si kritikarroste juleplate med same namn.

I år markerer ho ti år på rad med juleturneen sin, og ho serverte Oseana-publikummet ei unik oppleving saman med bandet, som òg er av høgt kaliber; Sindre Hotvedt (piano), Markus Lillehaug Johnsen (gitar) og Jonas Kilmork Vemøy (perkusjon/trompet).

Mellom låtane snakka Helene om jula, gleda, håpet og kjærleiken i samband med jul. Midt i konserten ba ho publikum lukka augene under songen «Gje meg handa di», og tenkja tilbake til juletida i barndomen.

Nest siste sang var «Deilig er jorden». På slutten av ba ho publikum om å reisa seg å synga med. Det gav frysingar frå topp til tå.

Etter ein konsert til terningkast 6 var Helene ved utgangen og signerte CD-ar og snakka med fansen.

Sjå 5 minutt av videoen i ruta over.

Her er video frå fleire av årets lokale julekonsertar:

• Nornekoret

• Fonos

• Solidaritetskonserten