Kai Daniel og Stian på kretslaget

Bildeserie:

1 av 2

Dei beste ishockeyspelarane i 2002-årgangen er nyleg tatt ut på kretslag i sin region. Frå Kristiansand, Stavanger, Haugesund og Bergen har det blitt kjempa hardt om dei 20 plassane på Rogaland/Hordaland sitt lag.

Etter tre år med sonesamlingar er 5 av 20 i uttaket frå Bergen, to av dei fem er frå Søfteland.

– Vi måtte få litt tidlegare vinterferie for å få med oss NM for kretslag i Hamar. Vi reiser torsdag, fortel Kai Daniel Øye og Stian Klakegg.

Stian har trent ishockey sidan han var tre-fire år. Då han byrja på skulen fekk han med seg klassekameraten Kai Daniel.

Sidan i haust har det vore spissing på sonesamlingane inn mot kretslag, og i februar kom uttaket.

Slo eitt år eldre elitelag

Til vanleg speler dei på Bergen Ishockeyklubb (BiK) sitt U15-lag, der dei ligg i toppen av landsserie B, trass tap av nokre poeng grunna tekniske årsaker (manglande byte av keeper) før jul.

– I helga var vi på siste samling med kretslaget. Då spelte vi to kampar mot Stavanger sitt U16 elite. Dei er eitt år eldre enn oss og veldig gode. Vi vann éin kamp og tapte éin.

Går for NM-gull

I Hamar skal Rogaland/Hordaland U15 møta motstand frå andre regionar.

– Vi håper sjølvsagt på å gå heilt til topps, men målet er vel å koma på pallen, seier dei to talenta frå Os.

Stian er back og Kai er løper.

Stian sin storebror, keeper Marius Klakegg, kom på 4. plass i NM for kretslag i 2014.

Dei tre andre frå BiK på kretslaget er Oskar Westre, Sander Ødegaard og Thomas Viseth.