Kampen snudde to gongar
Kampen om KM-tittelen blei tøff for Os 2.
Onsdag kveld spelte Os 2 andre og avgjerande kamp om kretsmeistertittelen.
– Vi var ikkje heilt på, og vi møtte eit offensivt og sterkt lag i Osterøy, seier trenar Tore Nielsen.
Osterøy - Os 2 5-2 (1-1)
Målskårarar, Os 2: Erik Kanestrøm og Ramo Racic
Osterøy tok leiinga, men Erik Kanestrøm utlikna på straffe rett før pause.
Ramo Racis gav Os 2 leiinga etter pause, men så var det vertane sin tur til å utlikna.
– Ørjan Glesnes la på til 3-2 til oss, men dessverre blei det markert for offside, noko vi meiner er heilt feil, så 2-2 sto seg til Osterøy heldt fram med å skåra, fortel Nielsen.
På 4-2 blei Egil Thuen utvist då han som sistemann takla ein motspelar i angrep og kretsmeistertittelen var utanfor rekkevidde.
– Vi får nøya oss med den svært gode sesongen i serien og opprykket, seier Tore Nielsen.