Lokal | 17. mars 2015

Kan bli øvingssenter

Ulven leir kan bli regionalt beredskaps- og øvingssenter for alle naudetatane.

Ulven leir kan bli regionalt beredskapssenter for naudetatane (arkivfoto: Andris Hamre)
Andris Hamretirsdag 17. mars 2015 12:05

Nyheiten glapp ut av ordførar Terje Søviknes (Frp) under den årlege næringsfrukosten på Oseana tysdag. Foranledningen var Ole Hope, leiar i Business Region Bergen, sitt innlegg om tiltaksplanen i den regionale strategiplanen for å styrka næringslivet i Bergensregionen.

– Eit av tiltaka vi jobbar med er å bygga opp ei beredskapsklynga i regionen.

– Vi har kompetansen allereie, fortalde Hope som trakk fram brann, politi og forsvaret med marinejegerkommandoen som døme på kompetanse som allereie finnst.

Ulven høgaktuell

Dette fekk ordførar Terje Søviknes til å skyta inn med litt meir informasjon.

– Heilt konkret er vi i dialog med Bergen kommune å lokalisere dette til Ulven leir.

– Temaet har òg vore drøfta med politimeisteren i Hordaland.

– Kanskje kan òg Lyseparken vera aktuell, om det er aktivitetar som må ligga utanfor militært område.

Vil skapa regionalt kompetansesenter

Mange av naudetatane nyttar allereie Ulven leir til øvingar.

– Tanken er at senteret kan bli eit kurs- og øvingssenter for alle som driv beredskapsarbeid.

– Det skal ikkje vera der ein rykkjer ut frå, men der ein øvar og byggjer kompetanse.

– Senteret vil kunne gje spennande utdanningsmoglegheiter og arbeidsplassar i Os, trur Søviknes.

Tilsvarande sentre finnst mellomanna på Rygge ved Moss.

Spennande? Vil du ha ukas høgdepunkt i innboksen?

Bli medlem du også!

Di støtte gir liv til lokalavisa vår.

  • Tilgang til alt innhald
  • Utan bindingstid
  • Fra 36 kr/uke
Se priser

Abonnementet blir fornya kvar måned. Du kan seia opp kor tid du vil, og blir då ikkje belasta for neste periode.