– Kan du noko om Seinfeld?

Standup-klubben Råkt Opp & Ned har etablert seg med fast klubbkveld éin gong i månaden i Os, og i tredjerunden som går i morgon blir det både ein nykomar, ein gudfar, ein osing, ein sprellemann frå Odda og ein med NM-sølv i trylling.

Christoffer Schjelderup, gudfaren frå Standup Bergen, kjem på klubbkveld på Irish Cat for første gong. Det gjer også nykomaren Christian Mikkelsen, frå Oslo, men adoptert til Bergen.

Tor Inge Ulveseth, som er ein tryllekunstnar med andreplass frå NM i klassen close up, står også på plakaten, saman med Roar Brekke, som vi såg på Opus for nokre år sidan, og som har 15 år bak seg som showmann.

I tillegg står Jon rakt opp og ned for andre gong.

Vinn billettar

Ei større komistjerne, Jerry Seinfeld frå TV-serien Seinfeld, ein av verdas største TV-suksessar, hadde show i Bergen denne veka.

Han kjem ikkje til Os i denne runden, men om du kan litt om Seinfeld kan du vinna plass på gjestelista til klubbkvelden laurdag kveld.

Send oss rett svar på spørsmåla under innan klokka 21 fredag kveld. Vinnaren blir kontakta laurdag før klokka 12. Namnet til vinnaren blir også lagt til i ein oppdatert versjon av denne artikkelen.

OPPDATERT: 11 sendte svar, 10 hadde 3 rette; 1A, 2A og 3C.

Vinnar av 2 gratisbillettar til klubbkvelden 12. mai: Preben Søvik Krydsby

1. Jerry Seinfeld er stor fan av ein superhelt. Kven?
A: Supermann
B: Hulken
C: Spiderman

2. Jerry sin onkel dukka med ujamne mellomrom opp i serien. Kva heitte rollefiguren?
A: Uncle Leo
B: Uncle Jimmy
C: Uncle Willy

3. Jerry hadde ein morosam nabo i same etasje, Kramer, men han hadde også ein irriterande nabo lengre nede i same bygning. Kva var namnet hans?
A: George
B: Soup-Nazi
C: Newman