Kan ha vore stolen på Halhjem
Redningsaksjonen i Øyane: Mann har meldt seg som mogleg eigar av kajakken.
Bildeserie:
Søndag i 23-tida blei det storstilt redningsaksjon i Øyane etter at eit vitne på land hadde høyrd rop frå sjøen og observert ein tom kajakk flytande.
– Vedkommande hadde høyrd rop og gått ut for å sjå og ropte tilbake, men fekk ikkje noko svar. Samstundes blei ein kajakk observert tom i området ein trudde ropet hadde kome frå, seier politioverbetjent Audun Hadler-Olsen ved Os lensmannskontor.
Mogleg eigar meldte seg
Politiet gjekk natt til måndag ut med bilete av kajakken og etterlyste eigaren.
– En person har meldt seg som mogleg eigar av kajakken etter å ha sett bildet på nettavisene. Vi jobbar no med å få dette verifisert ved at vedkomande kjem og ser på den.
– Kajakken er av merket Hasle Excursion 520 og er raud, noko som er litt spesielt. Dei fleste av denne typen pleiar å vera oransje. Den er ikkje merka med namn eller har andre spesielle kjenneteikn.
– Vi held difor fram med redningsaksjonen og jobbar med etterretning for å finna svar. Det har vore lagt ned eit stort arbeid av frivillige og redningsmannskap i hele natt, fortel Hadler-Olsen.
Kan har vore stolen
Kajakken skal ha lagt på Halhjem sist eigar såg den.
Midtsiden har fått tips om at ein liknande kajakk i helga er sett i setin-amfiet mellom bryggene i Vindu mot Fjorden i Os hamn.
– Kajakken låg på ein måte så den ville hamna på sjøen om det blei flo, fortel vitnet.
– Dette er ny informasjon for oss, seier Hadler-Olsen. – Det er mogleg at kajakken er stolen.
Ber om tips
Politiet har satt av eigen folk til å ta i mot tips i saka.
– Om nokon har tips eller observasjonar ber vi dei kontakta oss på lensmannskontoret på 56 30 39 00, så vil dei bli satt over til dei som handterar tipsa, avsluttar politioverbetjenten.
Spennande? Vil du ha ukas høgdepunkt i innboksen?
Les meir om
Last ned Midtsiden-appen idag
No kan du følgja nyhende frå Os - rett i appen.
- Gratis å lasta ned
- Bli varsla straks noko skjer
- Tilgjengeleg i App Store og Google Play Store
For å få tilgang til alle sakene i appen må du vera abonnent.