Os Musikkforening er ein av mange grasrotmottakarar i Os. Her frå ein konsert i Tunet i januar i år. (Foto: KOG) 

Katt og kultur på Grasrot-toppen

Tala for andre tertial er klare - her er nokre av laga og organisasjonane som får mest.

Av: Kjetil Osablod Grønvigh

I ei pressemelding frå Norsk Tipping seier grasrotandel-ansvarleg hos Norsk Tipping, Anne Helseth at Grasrotandelen har lagt bak seg sin beste periode nokonsinne.

– I årets andre tertial, fra 1. mai til 31. august, blei det generert meir enn 230 millionar kroner til det frivillige Norge.

- Dette er veldig sterke tall, og det er ei stor glede å senda så mykje pengar ut til nesten 30 000 lag og foreningar over heile landet, fortel Helseth.

Mottakaren som fekk mest var Foreningen for omplassering av dyr (1.208.706 kroner), og dette tertialet er det første i Grasrotandelens si historie kor ikkje Vålerenga Fotball toppa lista over grasrotmottakere. Oslo Øst-klubben må no nøya seg med andreplassen. 

Store summar til store idrettslag 

Os Turnforening er framleis største mottakarar i Os med sine 172.602 kroner frå 636 gjevarar, mens Nore Neset Idrettslag sine 404 gjevarar gav 58.756 kroner til laget.

Il Øyglimt kan notera seg 37.070 kroner frå 229 gjevarar, mens Lysekloster Idrettslag fekk 74.878 kroner frå 239 gjevarar.

Søfteland Turn & Idrettslag kan notera seg nye 41.050 kroner frå sine 258 støttespelarar.

Mjau og musikk 

Dyrevenane i Oskatten heng seg på den nasjonale trenden med 22.561 kroner frå 156 gjevarar, mens i kulturverda mottek Os Musikkforening 7.698 kroner frå 55 gjevarar.

Både Ungdomslaget Havglimt (15.875 kroner og 74 gjevarar) og Os Rockeklubb (10.735 kroner og 61  gjevarar) ligg høgt på lista av mottakarar i Os.

Tredreiere Vest kan notera seg 31 kroner frå éin gjevar, og Søre Neset Ungdomslag sit att med 5240 kroner frå 30 gjevarar.

2 gjevarar støtta Foreningen Bevar Fjellheim med 198 kroner.

Slik fungerer Grasrotandelen

Lista over grasrotmottakarar i Os tel 127 mottakarar.

Dei fleste på lista får noko, og lista er eit godt prov på at det finst mange lag og organisasjonar i bygda.

Her finn du heile lista (Norsk Tipping)

Når du speler, gjev du sju prosent* av innsatsen du speler for, til den foreininga du ønskjer å støtta, altså grasrotmottakarar.  Dette vil seia at dersom du speler Lotto for 100 kroner, gjev du automatisk sju kroner til den foreininga du har valt å støtta. Desse sju kronene vert teke frå innsatsen du allereie har betalt - det er ingen ekstra kostnad for deg. Grasrotandelen har sjølvsagt heller ingen påverknad på premiane eller vinnersjansane dine.

* Ved spel på Multix, Instaspill og Oddsen er Grasrotandelen 14 prosent etter fratrekk av premiar.

Spela fysiske Flax-lodd og Belago er ikke omfatta av Grasrotandelen.

(Kjelde: Norsk Tipping)

Fleire saker