Kjedekollisjon på Byvegen

I 22-tida tysdag kveld rykte politiet ut på melding om ei trafikkulykke på E39 Byvegen ved avkøyrsla til Gåssand.

Ein bil som hadde retning sør bremsa då vedkomande skulle svinga til venstre mot Gåssand ved fotballbanen Stilvoll.

– Også bil nummer to og tre bremsa opp, men så kom ein fjerde bil og køyrde inn i den bakerste, fortel politioverbetjent Audun Hadler-Olsen.

Ingen alvorleg personskade

Den fremste bilen kom uskadd frå det, dei tre bak, inkludert den som ikkje bremsa, blei skadd.

– Den eine bilen var ganske stygt skadd, men utover nokre nakkesmerter var det ingen skade.

Førar av den bakerste bilen er ein mann i 40-åra som ikkje er frå Os. Han samtykka i beslag av førarkort og er meldt for uaktsam køyring.

Også i mai 2014 var det kjedekollisjon med tre skadde bilar i same kryss.