Kom deg ut-dagen på Lysøen 2019. (Foto: André Marton Pedersen)

Kjekt på Kom deg ut-dagen

– Vêrmessig vart det ein motbakke seier arrangøren, men for dei som tok turen til Lysøen på søndag vart det ein strålande dag. 

image
image
image
image
image
Av: Kjetil Osablod Grønvigh

På søndag var Lysøen vertskap for Kom deg ut-dagen.

Kom deg ut-dagen er Noregs nasjonale turdag, med nærare 170 arrangement over heile landet.

Lokale turlag inviterer to gongar året til turar og aktivitetar i nærmiljøet for familiar og andre som har lyst til å være med på en fin utedag. 

Starta i motbakke

Ansvarleg for arrangementet i Os, Anni Briggs frå Os Turlag, fortel at dagen byrja med eit vêr som ikkje ville spela på lag.

– Det pøsregna godt dei første timane, og dette skremde nok ein del frå å reisa heilt ut til Lysøen. I tillegg var det fleire andre arrangement i i bygda som òg samla publikum.

Briggs seier at nærare 70 deltakarar vart registrert, men då nokre kom seg til øya med eigen båt, er nok talet noko høgare. 

Heilt storvegs for dei som tok turen

Trass i noko skuffande oppmøte er Briggs tydeleg på at arrangementet vart ein suksess for dei som var der.

– Publikum slapp å stå kø for dei mange aktivitetane vi hadde på øya, og ungar og vaksne rakk både rebusløp, orienteringsløype og ansiktsmaling.

– Det var rett og slett reinaste luksusen for publikum, og for oss som arrangørar vart det ein roleg, men kjekk dag, avsluttar Briggs. 

Neste Kom deg ut-dag vert i februar 2020. Då er det Øvreeide Gard i Hegglandsdalen som skal vera samlingsstad. 

Fleire saker