To kjellarar fylt med vatn

Klokka 02.30 natt til laurdag rykte Os brannvesen og teknisk vakt i Os kommune ut til ein bustad i Myrvollen.

– Huseigar hadde fått kjellaren sin fylt med vatn, fortel brannsjef Stein Gjøsund.

Då brannvesenet kom fram viste det seg at det òg var vatn i kjellaren på det eine nabohuset.

Måtte vassa for å henta dottera

I det eine huset sto det 10 cm med vatn i kjellaren, i det andre sto det 15 cm.

– Huseigarane fortvilte, ein av dei har nettopp pussa opp. Straumen gjekk i huset og dottera hadde soverom i kjellaren, så han måtte vassa ned i mørget for å henta dottera.

Jobba i fleire timar

Brannvesenet stilte med seks mann, pumper og vassugar.

Dei var på staden til klokka 04.20 i natt.

– Då overtok skadesaneringsfirma, som kom med avfuktar.

Eit problemområde

Det regna kraftig fredag kveld og Myrvollen ligg i eit område som slit med drenering og overvatn.

– Det var ein stor dam over Byvegen i natt. Etter kva eg har høyrd skal det gjerast utbetringar på måndag, og det er vegvesenet som har oppdraget.

Les òg: Kva skjer med Banktjørn?