Kjem inn i trenarteamet

Os styrkte stallen med éin spelar etter opprykket. No blir Kristine assistenttrenar.

Kristine, her i kamp mot Gneist i 2019, blir spelande assistenttrenar for Os/Nore Neset i 2021. (Foto: Kjetil Vasby Bruarøy)
Kjetil Vasby Bruarøy
Kjetil Vasby Bruarøysøndag 28. feb. 2021 10:20

Os/NOre Neset dame har presentert trenarteamet til damelaget for 2021-sesongen.

Ørjan Sandal held fram som hovudtrenar og har framleis med seg Kenneth Moland som hjelpetrenar og Tore Nøss som oppmann.

Nøss, som i 2019 blei heidra saman med Linda Johansen, er i år på sitt 15. år med engasjement for damefotballen.

I trenarteamet er to nye namn: Kjell Hansen, far til keeper-Kjetil, blir keepertrenar etter at Chris Sunde Midtun flytta austover.

Kristine Farestvedt Aasheim kjem inn som spelande assistenttrenar.

Var ny på Kuventræ i 2019

Os/Nore Neset sikra opprykk til 3. divisjon hausten 2018, to rundar før serieslutt, då Vy Nguyen skåra sitt 19. og 20. mål for sesongen - på 21-årsdagen sin.

Samarbeidet mellom Os og Nore Neset skapte god rekruttering, det sterke jentelaget til Nore Neset var viktige i opprykkssesongen og gav godt påfyll inn mot ny sesong i ny divisjon.

Laget styrkte seg med éin spelar utanfrå; backen Kristine F. Aasheim frå Fana.

Venstreback Kristine spelte 20 kampar i sin første sesong for Os/Nore Neset. (Foto: KVB)

Ho spelte 20 kampar for Os/Nore Neset i 2019.

Laget landa på 5. plass av 12 lag i 3. divisjon.

– Flink til å gira opp laget

– Eg synest dette er veldig spennande. Det er mykje potensiale i jentene, og eg ser framtil sesongen, seier den nye assistenttrenaren til osturn.no.

– Kristine har både rutine, entusiasme og vinnarmentalitet. Ho er flink til å gira opp resten, seier hovudtrenar Sandal.

Terminlista er ikkje klar, men avdelingsoppsettet har kome.

3. divisjon kvinner, Hordaland 2021:
Bremnes
Djerv
Fana
Fyllingsdalen 2
Gneist
Lyngbø
Nordhordland
Nymark
Os/Nore Neset
Sotra
Voss
Åsane 2

Spennande? Vil du ha ukas høgdepunkt i innboksen?

Bli medlem du også!

Di støtte gir liv til lokalavisa vår.

  • Tilgang til alt innhald
  • Utan bindingstid
  • Sommartilbod frå 5 kr
Få sommartilbodet

Abonnementet blir fornya kvar måned. Du kan seia opp kor tid du vil, og blir då ikkje belasta for neste periode.