Kjempar i Ungdoms-OL

Etter ein siger og to tap måtte J16-landslaget i handball onsdag innsjå at dei måtte kjempe om 5. plass i staden for gjevare medaljar i Ungdoms-OL i Tranzonspor, Tyrkia. Med på laget - det 15 årige keepertalentet frå Os Eva Kristiansen.

Eva starta første kampen mot Danmark på benken, men kom inn fem minutt ut i andre omgang då det butta i mot for det norske laget.

- Det var mykje vi ikkje fekk til i den andre omgangen. Jentene blei dessuten altfor usikre når det butta såpass i mot, fortalte landslagstrener Axel Stefansson til handball.no.

- Det funka ikkje framover, samstundes som linja fekk gå fritt, no skal vi slå austerrike, oppsummerte keepertalentet i ei melding frå Tyrkia.

Dei norske jentene måtte sjå seg slått 18-28 av Danmark

Starta i sigerskamp

Turneringas einaste siger så langt kom mot Austerrike tysdag. Eva Kristiansen starta kampen i mål. Dei norske jentene vann tilslutt 30-24.

- Vi jobba knallhard spesielt i forsvar, det resulterte i ein skikkeleg lagsiger, seier Stefansson som er spesielt nøgd med andre omgangen kor jentene var flinkare til å løpe og sjå kontringsmoglegheitane, fortel landslagstreneren.

- Eg visste vi kom til å til å ta dei mot slutten ut frå kampen deira måndag. Sykt digg med siger, stråla Eva frå Tyrkia tysdag.

Hadde sjansen

Landslagsjentene hadde håpet om å nå semifinale før ondagens kamp mot Nederland.

Det blei ein rotete kamp med mykje utvisningar. Noreg fekk fire to-minuttarar på kort tid og hamna bakpå i undertalsperioden. I andre omgangen var det Nederland sin tur til å få mange utvisningar, men dei leia såpass mykje etter første omgangen (12-18) at dei norske spelararne ikkje klarte å ta inn forspranget.

Også i denne kampen fekk Eva speletid med ein god redningsprosent den tida ho sto.

Kampen enda tilslutt med 30-33 tap.

No ventar Tyrkia i morgon, ein kamp det norske laget bør ha gode sjansar til å vinna. Går det vegen ventar vinnaren av Austerrike/Polen i kampen om 5. plassen.