Klarar Jonatan å triksa seg vidare i Norske Talenter?

I første runde imponerte dei dommarane - i kveld kan du sjå om Jonatan Brekke og trikse-makkar Marius Digranes tek seg vidare i det populære TV-programmet.

I kveld kan du sjå om Jonatan Brekke frå Os (t.v) og makkar Marius Digranes frå Bergen går vidare i årets sesong av Norske Talenter. (Foto: TV2)
Kjetil Osablod Grønvigh
Kjetil Osablod Grønvighfredag 04. okt. 2019 09:22

I slutten av august vart det kjend at Jonatan Brekke frå Os, saman med kompisen Marius Digranes frå Bergen hadde meldt seg på den tiande sesongen av «Norske Talenter».

Brekke og Digranes driv med freestyle triksing med fotball, og i programmet som vart spelt inn i april triksa dei seg lett vidare med gode tilbakemeldingar frå dommarpanelet.

Her kan du sjå Brekke og Digranes imponera dommarene; Mia Gundersen, Bjarne Brøndbo, Janne Formoe og Mona Berntsen i den innleiiande runden. (TV2.no)

Sette saman nytt program

Brekke fortel at kveldens program vart spelt inn i Nydalen i Oslo i månadsskiftet mai-juni.

Til innspelinga hadde Brekke og Digranes sett saman eit heilt nytt trikse-program.

– Vi kunne jo ikkje stilla med det same ein gong til, så like etter at vi gjekk vidare frå den innleiande runden byrja vi å jobba intenst med nytt innhald.

– Etter kommentarane vi fekk i første runden valde vi å fokusera endå meir på at det heile skulle se bra ut. Dommarane kan jo ikkje triksa, så vi ville imponera dei med eit endå betre show i tillegg til triksinga, fortel Brekke.

Taus som ein østers

– Korleis gjekk det denne gongen - med større publikum og kvassare konkurranse? Var du nervøs?

– Vi ser jo berre dommarpanelet og nokre av publikummarane på dei første radane, så eg er ikkje sikker på om publikum var større denne gongen, men nervøse var vi ikkje.

Brekke kan heller ikkje denne gangen fortelja noko om korleis det gjekk, men han garanaterer god underhaldning.

– Sjå på TV2 i kveld klokka 20, så du svar på spørsmålet ditt, seier Brekke lattermild.

Spennande? Vil du ha ukas høgdepunkt i innboksen?

Les meir om

Bli medlem du også!

Di støtte gir liv til lokalavisa vår.

  • Tilgang til alt innhald
  • Utan bindingstid
  • Sommartilbod frå 5 kr
Få sommartilbodet

Abonnementet blir fornya kvar måned. Du kan seia opp kor tid du vil, og blir då ikkje belasta for neste periode.