Klare for gulldag!

For 17 år sidan starta Os Turn eige handball-lag for utviklingshemma spelarar og tel i dag 15 spelarar frå Os og Fusa.

- Vi har framleis spelarar på laget som var med då vi starta opp, fortel Marit Henriksen som saman med Grethe Søviknes er trenar.

Kampane organiserast i den sokalla "Gullserien" kor laga møtast til serierunde omlag ein gang i månaden.

- Resultata har kanskje ikkje vore dei heilt store sålangt i serien, men spelarane kjempar hardt og skårer mykje mål.

- I tillegg har vi, som damelaget til Os, ein god målvakt, skryt Henriksen.

Satsar på to sigrar

Henriksen håper den resultatmessige endringa kjem laurdag når dei møter Sotra og Sandviken.

- VI håpar på to sigrar, men realistisk sett er det nok Sandviken vi kan slå.

- Sotra stiller eit ungt lag med raske spelarar, som nok er på eit anna nivå enn dei fleste andre spelarane i serien, innrømmar Henriksen.

Os spelar sine kampar klokka 11.40 og 15.40, men allereie frå klokka 11 er det full aktivitet i hallen.