Klart for festdag på Halhjem

Onsdag 9. oktober skal alle ferjene i sambandet Halhjem – Sandvikvåg døypast.

Aldri før har fem ferjer blitt døypt på løpande band, samtidig som dei går i normal rute.

Det er Torghatten Nord som skriv dette i ei pressemelding.

– Det er viktig å få døypt alle ferjene på tradisjonelt vis, men samtidig skal vi sørga for å få folk over Bjørnafjorden til oppsatt rutetid, seier administrerande direktør i Torghatten Nord, Torkild Torkildsen.

– Vi overtok dette sambandet 1. januar i år, og vi vil at dette skal bli ein festdag på alle måtar. Publikum skal merka at dette er ein stor dag for oss og samtidig skal dei merka at vi er svært opptekne av å halda ein tett ruteproduksjon.

Glede over nybygg

Halhjem – Sandvikvåg er Norges tredje største ferjesamband målt i tal køyretøy som nyttar strekninga.

I kontrakten med Statens vegvesen har Torghatten Nord fått levert fem nye ferjer i 2019, fire hovudfartøy og ei reserve.

Ferjene som no skal døypast, er MF Flatøy, MF Færøy, MF Huftarøy, MF Samnøy og MF Lysøy.

Alle ferjene har fått namn etter øyer i kommunane Tysnes, Fitjar, Austevoll, Fusa og Os.

Moderne og klimavennlige båter

Passasjerane har allereie merka at dei nye ferjene er moderne fartøy. Salongen har store panoramavindu og tilbyr sjølvsagt kafeverksemd og eige leikerom for ungane.

I tråd med krav stilt i anbudskonkurransen av Statens vegvesen, er ferjene klimavennlege, og blir drivne med en kombinasjon av gass (LNG) og batteri.

Ferjene er bygd med eitt stort bildekk, som sørgjer for ein effektiv og sikker ombord- og ilandkjøring.

Festdag på Halhjem

Onsdag 9. oktober kl. 13.00 startar seremoniane på Halhjem ferjekai.

I løpet av knappe to timar skal alle dei fem ferjene døypast etterkvart som dei kjem til kai. Det blir servert kake på overfarten fra Halhjem til Sandvikvåg på alle ferjene etter kvart som at ferja er døypt.

På Halhjem er Os Musikkforening klar med ein spesialkomponert fanfare som skal spelast når ferjene blir døypte.

– Vi ønskjer alle hjarteleg velkommen til å vera tilstades når ferjene skal døypast, avslutter Torkildsen.