Klart for montering av Knutabruo

Frå Osmarka, Nordmarka eller Tøsdal - svevande 12 meter over Oselvo - kan du snart gå på ei hengebru som blir over 50 meter lang.

Peder Fløysand viser ferdig veg fram til brufeste på begge sider av den komande Knutabrua. (Foto: KVB)
Kjetil Vasby Bruarøy
Kjetil Vasby Bruarøytirsdag 14. juli 2015 08:37

Bildeserie:

Ein stein med borehol er brukt som fin renne for ein av bekkane. (Foto: KVB)
Knutabruo opnar for lange og korte turar rundt Oselvo.
Nordmarka i bakgrunnen. (Foto: KVB)
Når du kjem frå Nordmarka retning Tøsdal, til Slengebekken, går vegen til brua inn til venstre. (Foto: KVB)
Vegen opp til brua er kort. (Foto: KVB)
Denne knausen skal sprengast vekk. (Foto: KVB)
Frå rasteplassen ved bekken er stien også kort ned til elva. (Foto: KVB)
Lett tilgjengeleg idyll. (Foto: KVB)
Her skal brua kryssa Oselvo. (Foto: KVB)
Entreprenør Hylland har gjort fint arbeid med stien. (Foto: KVB)
Ein stein med borehol er brukt som fin renne for ein av bekkane. (Foto: KVB)
Knutabruo opnar for lange og korte turar rundt Oselvo.
1 av 10
Knutabruo opnar for lange og korte turar rundt Oselvo.
Nordmarka i bakgrunnen. (Foto: KVB)
Når du kjem frå Nordmarka retning Tøsdal, til Slengebekken, går vegen til brua inn til venstre. (Foto: KVB)
Vegen opp til brua er kort. (Foto: KVB)
Denne knausen skal sprengast vekk. (Foto: KVB)
Frå rasteplassen ved bekken er stien også kort ned til elva. (Foto: KVB)
Lett tilgjengeleg idyll. (Foto: KVB)
Her skal brua kryssa Oselvo. (Foto: KVB)
Entreprenør Hylland har gjort fint arbeid med stien. (Foto: KVB)
Ein stein med borehol er brukt som fin renne for ein av bekkane. (Foto: KVB)

Vegen fram til brufeste på begge sider av Oselvo er no klar. Tre er hogd og brua er bestilt.

– Vi har eit par stammer til som skal fellast, og noko rydding av felte tre som vi skal ta på dugnad før brua kjem. I tillegg blir det litt sprenging, fortel ein av initiativtakarane, Peder Fløysand.

Årsaka til at det må sprengast er at brufesta må flyttast litt ut frå opprinneleg plan. På austsida skal ein liten bergnabb sprengast vekk for å seinka festet noko.

– Brua, som blir noko lengre enn først tenkt, kjem likevel til å sveva 12 meter over elva. Hovudspennet blir cirka 42 meter langt, i alt blir brua over 50 meter.

Den blir 90 centimeter brei, så du kan kjøra rullestol eller barnevogn over.

facebooksida til Knutabruo kan du sjå video med flyfoto av området.

Montering i september

NODE står for prosjektering og kvalitetssikring, HMR Voss AS tar produksjon og montering.

– Vi var litt usikre på om vaier var lagervare, men vi fekk hekta oss på ei bestilling som HMR hadde til eit anna prosjekt.

– Når dei har fullført det andre prosjektet kjem dei til Os for å montera.

Om Brukameratane har full klaff blir det montering i september og opning i starten på oktober. Brua skal så overleverast til Os kommune, som tar ansvar for vedlikehald i tida som kjem.

Kva med pengane?

Dei er ei fin gruppe med ivrige gubbar, «Brukameratane», som no vil sikra heilt nye turmoglegheiter for generasjonar.

Den nye, populære gangvegen frå Nordmarka til Tøsdal kan med Knutabruo delast opp i cirka halv lengde, anten du vil gå ein runde frå Nordmarka over brua til Osmarka og tilbake, eller frå Tøsdal.

Mosjonistar, barnehagar på tur, turistar i Os og andre som er glade i å gå tur, kan få mykje glede av brua.

Men Brukameratane er ikkje åleine.

– Vi har i tillegg til 100.000 frå Sparebanken Vest fått inn 215.000 kroner som resultat av kronerullinga vi sette i gang.

– Mesteparte har kome frå privatpersonar. Éin gav 20.000 kroner, elles er høgaste sum 3500.

– Mange bedifter har også sagt at dei vil støtta prosjektet. Er vi heldige så tikkar det inn litt pengar også frå desse no over ferien.

Spennande? Vil du ha ukas høgdepunkt i innboksen?

Les meir om

Bli medlem du også!

Di støtte gir liv til lokalavisa vår.

  • Tilgang til alt innhald
  • Utan bindingstid
  • Sommartilbod frå 5 kr
Få sommartilbodet

Abonnementet blir fornya kvar måned. Du kan seia opp kor tid du vil, og blir då ikkje belasta for neste periode.