– Klubbens første NM-gull

Amund Bjørnevik og Erling Øyasæter var suverene i junior-NM i roing!

Amund og Erling på pallen med Os Roklubb sitt første NM-gull nokosinne. (Lesarbilde, foto: Lars Erik Jansen/Os Roklubb)
Kjetil Vasby Bruarøy
Kjetil Vasby Bruarøysøndag 23. sep. 2012 13:55

NM i roing går denne helga av stabelen på Årungen rostadion, og Os Roklubb stiller med 3 i junior B-klassen (16 år), to i junior A og 8 seniorar som har tatt åttaren med seg over fjellet.

I dag gjekk klassen toar utan styrmann herrer junior, og Amund Bjørnevik og Erling Øyasæter rodde inn til gull.

– Dette er ein historisk dag. Sidan oppstarten under namnet Kamp i 1924 har klubben aldri før tatt gull i NM, seier trenar Audun Hadler-Olsen.

– Dei rodde mot gode motstandarar, men var suverene, frå kvalifiseringa i dag tidleg til finalen no nettopp!

Gull og sølv i junior B

I går rodde Arne Hadler-Olsen, Mattias Haugland og Sebastian Hårvei i 16-årsklassen, som ikkje har NM, men har regattaen på Årungen som eit av fleire UM.

– Med denne ramma og NM for eldre junior er dette likevel høgdepunktet for yngre junior, seier Audun.

Arne tok sølv i singelsculler, Mattias 11. plass og Sebastian 22. plass.

Arne og Mattias rodde i tillegg 1000 meter dobbelsculler og vann denne.

Fleire finalar

I skrivande stund ror Amund og Erling firar saman med Arne og Mattias, som får ro med og mot 18-åringane.

– Dei vann kvalifiseringsheatet sitt i dag tidleg, så dette skal bli spennande, seier trenaren.

I ettermiddag ror 8 vetaranar åttar. Dei klarte også å kvalifisera seg til finale.

– Tre av tre lag i finale er knallbra for klubben. Kanskje blir det også fleire medaljar, seier Hadler-Olsen.

OPPDATERT: Det blei bronse i firar! Dette var Arne og Mattias sin debut i junior-A (18-årsklassen) og deira første NM-tittel. Midtsiden kjem tilbake med bilde og meir om firar-finalen.

Les meir om

Bli medlem du også!

Di støtte gir liv til lokalavisa vår.

  • Tilgang til alt innhald
  • Utan bindingstid
  • Knappe 30 kr per veke
Teikna abonnement

Abonnementet blir fornya kvar 4. veke for kr 120 per månad. Du kan seia opp kor tid du vil, og blir då ikkje belasta for neste periode.