Knekte opp fem dører
Innbrot i Kolskogen: Varme- og Rørteknikk har vore utsett for innbrot i helga.
Måndag morgon kom rørleggarane i VRT på jobb til herpa lokale.
– Dei har knekt to yttardører og tre dører inne i bygningen, seier Stian Færevaag.
Han seier det førebels er uklart kva som er sakna, men at det ser ut som om innbrotstjuven, eller tjuvane, har vore på jakt etter pengar.
– PC-ane våre står her framleis, heldigvis, og det ser også ut som om mesteparten av verktøyet vårt også har fått stå i fred.
– Men det er rota mykje rundt i lokalet, seier Færevaag.
Ein vinkelkuttar, nokre nøklar og nokre kontantantar er sakna.
Rørleggarfirmaet held til i bygningen dei for ikkje så lenge sidan kjøpte av Bjørn Døsen. Der har dei også leigetakarar.
– Leigetakaren var innom kontoret sitt i 21.30-tida laurdag kveld, så innbrotet må ha skjedd ein gong etter det.
Politiet er interessert i tips i saka.