Knivstikkinga: Opnar Ung Arena i dag

– Ung Arena held ope for ungdom i dag, opplyser ordførar Terje Søviknes.

Ung Arena er open frå klokka 12 til 16 måndag, for dei som vil samlast eller prata etter knivstikkinga i Os sentrum søndag kveld.

Politiet vil truleg òg koma innom.

– Det er ei alvorleg sak, og det er sjølvsagt noko som gjer inntrykk på oss i kommuneleiinga. Vi har fokus på familien til fornærma og på ungdomane som var tettast på hendinga. Dei vil bli følgd opp av våre folk i dag, sa Søviknes til Midtsiden tidlegare i dag.