Knuste banerekorden

Torsdag fortalte vi om Alexander Heggland sin nye banerekord på Bjørnefjorden Golfklubb, 66 slag, 2 under par, som han sette 1. august.

Alexander slo med det sin eigen rekord med eitt slag, og har frå før ein uoffisiell rekord på 65 slag.

Men torsdag ettermiddag, 15. august, blei både den offisielle og uoffisielle rekorden til Heggland knust av Sverre Marcelius, som er pro ved golfklubben.

– Eg spelte saman med Sverre og det var som om vi dreiv med kvar vår sport, han var heilt enorm, seier Ottar Blokhus.

Sverre Marcelius gjekk banen på imponerande 62 slag, heile 6 under par.

– Vi blei ståande heilt mållause, det var rett og slett ei oppleving å få med seg denne runden, seier Blokhus.

– Kva med din runde, blei den god?

– Nei. Eg spelte dårleg i går og skuldar på Sverre, spelet hans sette meg heilt ut, ler Ottar.

Midtsiden har ikkje lykkast i å nå Marcelius for kommentar.