Statens vegvesen opplever ofte at bilførarar er uoppmerksame. Her på kontroll på E39 ved Hjellemarka i går. (Foto: SVV)

Kolliderte ved vegvesenet sin kontroll

– Vi har ofte store utfordringar med sjåførar som rett og slett ikkje følgjer med i trafikken.

Av: Kjetil Vasby Bruarøy

Onsdag frå klokka 9 og nesten fram til klokka 15 gjennomførte Statens vegvesen trafikkontroll på E39 ved Hjellemarka og Storestraumen.

I løpet av kontrollen blei det skrive ut 7 manglar på køyretøy og 7 gebyr for manglande førar- eller vognkort.

Mens dei sto på post blei dei vitne til ein kollisjon.

– Den eine bilen stoppa opp, den andre fekk det ikkje med seg. Heldigvis gjekk det bra med alle partar, fortel Thor Jelen, leiar for kontrollen.

At enkelte bilførarar ikkje får med seg det som skjer rundt seg, er vegvesenet blitt vant med.

– Uoppmerksame bilistar kan skapa store utfordringar. Vi ser ofte at sjølv om vi har på oss gule vestar med mykje refleksar, så blir vi ikkje alltid lagt merke til.

• Les òg: Vil firedobla bøtenivåe for mobilbruk

Fleire saker