Kollisjon i Irgenskrysset
OPPDATERT:Alle hadde vikeplikt for kvarandre. Så kjørte to av bilane - samtidig.
Måndag litt før klokka 17 var det eit trafikkuhell i krysset mellom Strønevegen og Skeisflaten.
Ingen personar blei skadd, men det blei dei to bilane. Då Midtsiden kom til staden sto ein Volvo i grøfta utan støtfangar, ein Isuzu pickup sto midt i krysset, utan synleg skade, men ifølgje folk på staden var det noko som hadde låst seg, så den var ikkje mogleg å flytta.
Det var god passasje og ingen kø.
Førarane av bilane var på staden, og forklarte at det sto tre bilar med vikeplikt for kvarandre. To av førarane, ein mann i 20-åra og ei kvinne i 40-åra, bestemte seg for å køyra, og då kom samanstøyten.
Politiet blei varsla, og rykte ut til staden for å bistå. Det vart gjennomførd promillekontroll av dei involverte førarane, utan at dette gav noko utslag.
Spennande? Vil du ha ukas høgdepunkt i innboksen?
Les meir om
Last ned Midtsiden-appen idag
No kan du følgja nyhende frå Os - rett i appen.
- Gratis å lasta ned
- Bli varsla straks noko skjer
- Tilgjengeleg i App Store og Google Play Store
For å få tilgang til alle sakene i appen må du vera abonnent.