Sport | 12. mars 2019

Kolskogen tatt ut på U21-landslaget

Ole Martin Lekven Kolskogen (18) del av troppen som skal spela mot Finland og Russland i Spania.

Kolskogen tatt ut på U21-landslaget
Ole Martin blei nordisk meister med U16-landslaget sommaren 2017. No er han allereie del av U21-troppen. (Foto: NFF)
Kjetil Vasby Bruarøy
Kjetil Vasby Bruarøytysdag 12. mars 2019 14:59

I dag blei troppen til U21-landslaget som skal spela to treningskampar på Marbella publisert på fotball.no.

Stamma i laget består av spelararar frå 1998-årgangen, men U21-trenar Leif Gunnar Smerud har òg funne rom til nokre yngre spelarar frå 99, 2000 og 2001-årgangen.

Blant desse er Åsane-spelar Ole Martin Lekven Kolskogen frå Os.

– Vi har nokre 01-gutar som får sjansen når 2000-årgangen opptatt med EM eliterunde. Eg reknar med at fleire av desse yngste i denne U21-troppen vil bita dei andre, både med- og motspelarar, i leggen, seier Smedrud til fotball.no.

Noreg skal spela mot Finland 22. mars og Russland 25. mars.

Ole Martin, som i februar både var kaptein på U18-landslaget og fekk treningsopphald hos danske Brøndby IF, seier til BA.no at han er overraska og glad for å bli tatt ut.

I troppen er eldre spelarar frå klubbar som Everton, Heerenveen, RB Leipzig og fleire norske eliteserielag. Sjølv fekk han 9 kampar for Åsane i OBOS-ligaen i fjor, men må spela 2. divisjon i år etter nedrykket i haust.

Her er heile U21-troppen:
Kjetil Haug - Sogndal
Erik Arnebrott - Viking
Tomas Totland - Sogndal
Leo Cornic - Vålerenga
Odin Bjørtuft - Odd
Ole Martin Kolskogen - Åsane
Martin Ove Roseth - Molde
Birk Risa - Odd
Fredrik Bjørkan - Bodø/Glimt
Andreas Hoven - Strømsgodset
Einar Iversen - Everton
Gaute Høberg Vetti - Sarpsborg 08
Kristoffer Askildsen - Stabæk
Emil Bohinen - Stabæk
Tobias Heintz - Kasimpasa
Magnus Retsius Grødem - Ullensaker/Kisa
Aron Dønnum - Vålerenga
Dennis Johnsen - Heerenveen
Noah Holm - RB Leipzig
Magnus Dahlby - Grorud

Spennande? Vil du ha ukas høgdepunkt i innboksen?

Last ned Midtsiden-appen idag

No kan du følgja nyhende frå Os - rett i appen.

  • Gratis å lasta ned
  • Bli varsla straks noko skjer
  • Tilgjengeleg i App Store og Google Play Store
Last ned appen
For å få tilgang til alle sakene i appen må du vera abonnent.