Kom rekande i går - gjekk ned same dag

Ei plastsnekke har gått ned ved Sundøy.

– Båten kom rekande. Eg blei gjort merksam på den onsdag morgon, fortel Jonny Garvik.

Båten låg ikkje langt frå Hargun, nær nedlagte «Garvik Sjøhus».

– Den låg lågt i sjøen. Det blei ringt politiet, som viste vidare til brannvesenet, men det var ikkje oljesøl eller fare for umiddelbar forureining, så det blei visst ikkje gjort noko.

Seinare i går gjekk båten ned.

– Eg veit ikkje kvar båten kom frå, men det var nordavind, så kanskje den har lagt i Sørstrøno. Uansett er det greit om eigar får informasjon og får båten heva.