Politi | 10. nov. 2025
Kom ut av tunellen – fekk hjort inn i sida på bilen
Uhell i 80-sona natt til laurdag.
Kjetil Vasby Bruarøymåndag 10. nov. 2025 11:55
Natt til laurdag fekk politiet melding om ei hjortepåkøyrsle på E39 ved Skogafjellstunnelen.
Viltkontakt blei varsla.
– Eg fekk ein prat med bilførar på staden, seier viltkontakt Hans Tore Eide.
Vedkomande hadde kome køyrande i 80-sona ut av tunellen, retning frå Bergen mot Halhjem, då ein hjort hadde kome frå venstre, altså nordgåande køyreretning, inn i sida på bilen.
– Hjorten var vekke då vi kom fram. Den blir skildra som eit ungt dyr. Hjorten heldt seg på beina etter samanstøyten og stakk til slutt mot Ulvenvegen og opp i Svegane.
Det blei utført søk, men hjorten blei ikkje funne. Det var heller ikkje blod i sporet.
