Butikksjef Charlotte Johannesen fortel om ei god mottaking av Link Brands sin no permanente outlet på Amfi-senteret. (Foto: Kjetil Osablod Grønvigh) 

Komen for å bli

Link Brands sin outlet på Amfisenteret er allereie godt etablert - i desember opnar kjeda butikk nummer tre. 

image
image
image
Av: Kjetil Osablod Grønvigh

I april 2018 opna Link Brands butikk på AMFI Os, som søsterbutikk av Stadion Sport.

I mai i år opna butikken sin eigen midlertidige outlet i lokala som etterkvart skulle husa Big Bite.

Då lokala kor Borg Vêr heldt til vart ledige, kasta Erik Rosendahl og Charlotte Johannesen seg rundt og vidare opp trappa. 

Inn måndag - opna torsdag

– Vi fekk lokalet måndag 16. september - torsdagen var vi klare med nymåla og nyinnreda butikk, fortel butikksjef Johannesen. 

– Prøveprosjektet i første høgda vart så godt motteke at då dette lokalet dukka opp valde vi rett og slett å kasta oss på. 

Godt motteke

Å velja å satsa vidare med outlet har ifølgje Johannesen vore ein ubetinga suksess.

– Vi er strålande nøgd med både mottakinga og dei økonomiske resultata. Det er tydeleg at ein butikk med varer til godt nedprisa varer har sin plass på senteret.

Johannesen fortel at bak konseptet til Link Brands sin outlet ligg målet om å sleppa å ha eit stort lager med varer frå dei to andre butikkane. Link Brands har i tillegg til butikken på AMFI Os ein butikk på Øyrane Torg i Arna. 

– I outleten vi sel overskotsvarer – gjerne artiklar vi kjøpte inn litt for mange av, eller varer som ikkje er i sesong akkurat no. Desse varene sel vi med minst 50 prosent rabatt. 

– I tillegg kjøper vi inn partivarer frå andre butikkar og leverandørar, som vi òg sel til sterkt reduserte prisar.

Opnar butikk nummer tre

Johannesen fortel at utvalet i outleten strekk seg frå barneklede, via ungdom til både dame- og herreklede. 

– Vi har ei brei kundegruppe frå både Os og nabokommunar, og det er mange som nyttar seg av moglegheita til å få seg klede og sko til låge prisar.

I desember vil Link Brands opna sin tredje butikk, kan Johannesen fortelja.

– Datoen er ikkje fastsett, men vi er snart klare til å opna ein butikk i Fjord’n senter i Eikelandsoden i Fusa.

Fleire saker