Kommunen bruker pengar på å fjerna fem båtvrak

Eit sjette vrak har eigar lova å ausa og fjerna sjølv.

Sånn låg båten i januar. No skal den endeleg fjernast. (Lesarbilde, tips@midtsiden.no)
Kjetil Vasby Bruarøy
Kjetil Vasby Bruarøyfredag 29. mai 2020 13:45

Båteigarar utan båtplass, utan evne til å ta vare på båtane sine eller utan sjanse til å rydda opp etter havari, har vore ei utfordring i Os over tid.

For det første har det i fleire tilfelle vore vanskeleg å få tak i rett båteigar, for det andre er det grunneigar sitt problem å kvitta seg med ein eventuell feilparkert båt.

No har hamneansvarleg i Bjørnafjorden brann og redning, Gitle Smaadal, både henta inn pris og fått godkjenning for å heva fem båtar som ligg under vatn ulike stadar i bygda.

– Det er éin på Sandholmande, éin i Hatvik, éin i Moldafjøra og to i Vargavågen, fortel Smaadal.

Denne gjekk ned i september og ligg framleis bak busskuret på Hatvik. (Foto: KVB)

Prisen er «på eit par hundre tusen», det lokale firmaet Samba Marin har fått oppdraget.

– Dei skal heva båtane og frakta dei til mottak på Hanøytangen. Jobben blir utført så snart Samba har ledig tid.

Skal fjernast frå Halhjem

Dei siste vekene har ei anna plastsnekke lagt nesten under vatn på gjestebrygga ved Halhjem ferjekai. Denne er det Statens vegvesen som eig.

– Vi fekk etterkvart tak i eigar, som nyleg har overtatt båten, seier Asbjørn Røneid frå vegvesenet.

– Han lovde å lensa båten, og å fjerna den frå gjestekaien.

Sånn låg båten på Halhjem onsdag. No har eigar lova å lensa og fjerna den. (Lesarbilde, foto: Knut Vernøy)

Spennande? Vil du ha ukas høgdepunkt i innboksen?

Bli medlem du også!

Di støtte gir liv til lokalavisa vår.

  • Tilgang til alt innhald
  • Utan bindingstid
  • Knappe 30 kr per veke
Teikna abonnement

Abonnementet blir fornya kvar 4. veke for kr 120 per månad. Du kan seia opp kor tid du vil, og blir då ikkje belasta for neste periode.