Kultur | 30. jan. 2014

Kompis-rølp frå Os på scenen i Bergen

Hardrock-bandet Warfart og gladrock-bandet The Rippi Rais speler på Garage i morgon. – Intern humor goes public, ler vokalisten.

Kjetil Vasby Bruarøy
Kjetil Vasby Bruarøytorsdag 30. jan. 2014 22:00

"Det blir galehus på Garage i morgen. Det er i alle fall sikkert" skriv Garage på twitter om konserten The Rippi Rais – Totally Klikkestyle.

Ikkje ukjente Warfart (krigs-fis) frå Os startar showet når dei entrar scenen i 22.30-tida. Så kjem bergensbandet Ghost Funkers på scenen før kveldens hovudattraksjon: Rippi Rais.

– Det starta eigentleg berre med at meg og Niklas Linde droppa å spela Fifa til fordel for litt låtskriving. Alt var meint til intern bruk, fortel Andreas Lindborg.

Alle skifta instrument

Som ein Søfteland-versjon av Vinskvetten har bandet halde fram med å skriva morosame drikkeviser godt eigna for allsong.

Dei har også vakse på seg fleire medlemmar – og nærmast alle speler eit anna instrument enn dei gjer i andre band.

Bone Shakers-trommis Andreas Lindborg er vokalist, Bone Shakers-gitarist Espen Iversen speler trommer, Neoplasma-bassist Jørgen Omre Larsen speler gitar og Bone Shakers-gitarist Erik Aasen speler bass.

Gitarist Niklas Linde er opptatt i helga og blir erstatta av Red Hot Cherry Poppers-gitarist Bjørn Stian Bjoarvik. Kincalling-bassist Leif Herland er med som gjest – på synth.

– Mister Osablod er også med i morgon, kun iført gaffer-tape, ler Lindborg.

I tillegg har bandet med seg "Horekoret", som består av Eirik Søfteland, Kenneth Kronstad og Remi Christensen.

Blei invitert

Kameratgjengen frå Os påstår at dei blei invitert til spelejobb på Garage.

– Vi spelte inn og publiserte fem låtar no i vinter, og så sendte eg link til bookingsjefen, på spøk, og skreiv at dette er lyden av 2014.

– Han tok kontakt og sa han hadde ein ledig dato til oss, så då var det berre å stilla.

The Rippi Rais har berre spelt for publikum nokre få gongar. Debuten var på "snakkes-festen" til Andreas og Niklas på Bar2Be i januar 2011.

Sommaren same år spelte dei på den private Baronsfestivalen i Os sentrum.

VIDEO: Sjå Sokkaripp frå Baronsfestivalen 2011 (privat foto)

Spennande? Vil du ha ukas høgdepunkt i innboksen?

Les meir om

Bli medlem du også!

Di støtte gir liv til lokalavisa vår.

  • Tilgang til alt innhald
  • Utan bindingstid
  • Fra 36 kr/uke
Se priser

Abonnementet blir fornya kvar måned. Du kan seia opp kor tid du vil, og blir då ikkje belasta for neste periode.