Konteinar på plass i vikjo

I slutten av april skreiv vi om bosset som flaut i Mobergsvikjo. Då fortalde administrativ leiar i Bergen og Omland Friluftsråd (BFO) at sommaren hadde kom litt brått på, men at dei skulle få til ei løysing.

– Rett før pinse fekk vi den på plass.

– Det var ein litt utfordrande jobb, for vegen ned er såpass dårleg at store bilar ikkje vil køyra ned, fortel driftssjef i BOF, Oddmund Dingen.

Løyst med lokale krefter

Løysinga fann BOF lokalt.

– Vi freista først å løysa det med BIR, men bilane dei har blei for store og ville ikkje køyre ned der.

– Ask transport blei løysinga. Dei har ein relativt liten bil dei kunne nytta, så då fekk vi på plass ein konteinar som rommar 8 kubikk.

– Eg er veldig glad for at vi kunne løysa utfordringa ved hjelp av lokale krefter.

– Folk er flinke

Mobergsvikjo har vore eit særs populært utfartsområde i vår.

– Du veit det er lunt og fint der når det er nordavinn.

– Den har vore veldig mykje brukt i vår.

– Folk har òg vore flinke til å rydda etter seg og å kasta bosset. Det set vi stor pris på.

– Berre frå pinse til no, har den nye kontainaren blitt fylt opp, så vi kjem til å tømma den no før helga, avsluttar driftssjefen.