Kontra gamleklubben i senk

Bildeserie:

1 av 8

Søndag starta serien i 5. divisjon med derby på Kuventræ.

Os 2 tok imot Lysekloster 2 i det som blei den første kampen der Lysekloster har slått Os i ein seniorkamp.

Os 2 - Lysekloster 2 0-4 (0-1)
Målskårarar: Øystein Takle Eide 3 og Anders Drange.

Os styrte kampen og pressa gjestane, som låg komprimert og kontra seg til siger med ein rask og farleg Øystein på topp.

– Vi spelte og dei kontra. I første omgang skapte vi ikkje dei store sjansane, men etter pause var vi meir suverene. Det blei eit litt løye resultat, meiner Os 2-trenar Odd Jarle Hjelle.

I pausen ba han spelarane auka tempoet og variera med fleire innlegg frå kant.

– Vi har litt å øva på, både å redusera risikoen når vi pressar så høgt, og å setja sjansane våre. Vi burde gjort det betre enn dette med det mannskapet vi hadde i dag, og eg trur vi skal koma sterkt tilbake, seier Hjelle.

– Berre tre aktive utespelarar

– Det var over all forveninting at vi skulle leia 0-1. At Øystein skulle halda leikestove med gamle lagkameratar og gje oss ein 4-0-siger over Os var fantastisk å sjå på, synest A-lagstrenar Ørjan Sandal.

Mens Os 2 hadde sju frå A-stallen frå start stilte Lysekloster 2, som ikkje har hatt eigne treningstider i vinter, med berre tre aktive utespelarar. Også kampleiar var reserve, Kenneth Eriksen var henta inn per telefon søndag formiddag.

– Av troppen vår på 15 er det 9 som ikkje har spelt fotball sidan i fjor haust. To av dei seks aktive er keeper og reservekeeper, mens vi berre hadde tre av dei fire aktive utespelarane på banen om gangen, poengterer Sandal.

Passiv eller ikkje, rutinerte spelarar som Martin Eidsvik og Thomas Sandal er likevel ikkje dumme å ha når du skal organisera eit godt forsvar.

Øystein gav Lysekloster leiinga på ein frekk chip. I 2. omgang auka han til 0-2 før 15 år gamle Anders Drange auka på til 0-3. Også 0-4 var signert Takle Eide på kontring.

Os 2 (4-3-3): Kasper Sandven Færøvik - Håvard Grøteide, Christoffer Ø. Hevrøy, Emilis Zilinskas, Markus Sørås Bjørnevik - Håkon Fagerbakke Kvittingen, Torgeir Lunde, Mats Lepsøe - Steffen Ljosheim, Aleksander Lindkvist og Joakim Hovden.
Innbytarar med speletid: Peder Lyssand, Thomas Lunde Fosen, Anders Havsgård og Vegard Ludvigsen.

Lysekloster 2 sin tropp: Kjetil Hansen, Jan Even Frøyset, Andreas Fosse, Thomas Mjelva, Anders Engelsen, Thomas Sandal, Magnus Sandvåg, Thomas Helland, Øystein Takle Eide, Sigve Rørstad, Martin Eidsvik, Jonathan Gade Utne, Frank Sælensminde, Anders Drange, Mikal Brekke.

Os 2 speler borte mot Norheimsund i neste runde, Lysekloster 2 speler borte mot Smørås 2.

SJÅ TERMINLSTE OG TABELL