Kontroll og lause hestar
Trafikkontroll i SperrevikvegenLause hestar i Hegglandsdalen og HatvikFamilievald
Politiet hadde onsdag kveld i 22-tida trafikkontroll i Sperrevikvegen.
- Der blei 31 bilar kontrollert uten grunn til å reagera.
- Dette er andre kontrollen i Lysefjorden på kort tid. Er det nokon spesiell grunn?
- Vi freister å ha kontrollar forskjellege stader i kommunen, men vi har fått nokre meldingar om høg hastigheit der ute, så det var nok grunnen til at patrulja la kontrollen akkurat der i går, fortel politioverbetjent Terje Sperrevik.
Lause hestar
I går kveld fekk politiet melding om lause hestar på Hatvik.
- Seinare på natta kom det ny melding om lause hestar, men denne gongen frå Hatvikvegen.
- Det skal ha vore ein fem - seks hestar det er snakk om som sprang i vegen.
- Eigar blei varsla og tok hand om dei, seier Sperrevik.
Familievald
Politiet måtte òg rykka ut til ei episode av familievald onsdag.
- Vi snakka med båe partar og fekk roa ned situasjonen. Korleis saka blir følgd opp vidare får vi sjå litt nærare på.
- Barnevernet blei òg orientert sidan det var ungar inne i bildet, avsluttar politioverbetjent Terje Sperrevik.