Kontrollert brann på Skorpo

– Vi har varsla Flesland og nødetatane, men brannen blir nok så synleg at det kan vera greit at også innbyggarane veit om nedbrenninga, seier varabrannsjef Arne Monsen.

I dag, tysdag 12. februar, skal ein av dei større bygningane på Skorpo, huset som i mange år blei brukt som selskapslokale, brennast ned.

Brannvesenet er på plass med eit lag på seks mann for å driva øving ved å brenna ned bygningen for Skorpo Utvikling AS.

Vatn blei lagt til øya utanfor Nordstrøno i mars 2009. Brannvesenet har med seg pumper og trykkforsterkar til øvinga.

– Vi får god øving, særleg med to nyare tilsette som vi har med. Samtidig må vi passa på å skjerma bygningane i nærleiken. Heldivis er vêret fint og styrken og retningen på vinden gunstig.

Selt i 2005

Det var i 2005 at Postens Funksjonærforening, etter 80 år med ferieheim på Skorpo.

Os kommune engasjerte seg samarbeidde med staten og Bergen og Omegn Friluftsråd for å sikra delar av eigedommen for ålmenta, medan Skorpo Utvikling AS kjøpte den andre delen av området.

Dette inkluderer fleire hus og hytter, gamle vinkjellarar, kjeglehall og musikkhall.

Bygningen som blir brent ned i dag har blitt mykje brukt som selskapslokale. Det kjem truleg til å brenna på Skorpo nærmast heile dagen i dag og det vil koma røyk frå staden utover kvelden.

Brannvesenet kjem til å halda vakt.

Les òg: Brukt og nytt på Skorpo