Lokal | 12. mars 2021
Køyrde i 46 km/t - fekk 5.850 i bot
UP stoppa to fartssyndarar i går. I tillegg blei ein ungdom tatt for butikktjuveri.
Kjetil Vasby Bruarøyfredag 12. mars 2021 08:58
Torsdag i 09-tida hadde utrykningspolitiet fartskontroll på Hegglandsdalsvegen.
Dei sjekka farten på trafikantane forbi krysset ved skulen og barnehagen, og der er fartsgrensa 30 km/t.
– Det blei skrive ut to forenkla forelegg. Høgaste fart blei målt til 46 km/t, fortel politioverbetjent Martin Nordeide.
Med 16 km/t over fartsgrensa blei det tre prikkar på førarkortet og 5.850 kroner å betala.
Ungdom tatt for butikktjuveri
I 15-tida i går rykte politiet ut på melding om tjuveri frå ein daglegvarebutikk nord for Os sentrum.
Politiet møtte mistenkte, som er under 18 år.
– Foreldre er varsla og vi har oppretta sak.