Køyrde motsett veg - fekk 5.500 kroner i bot

Øyro, som har vore einvegskøyrd frå Nordisk Rom til Bakketeig sidan torsdag 15. august, har lite biltrafikk på kveldstid.

Bilisten, som i 21-tida køyrde feil retning i den einvegskøyrde gata, blei likevel oppdaga.

Politiet patruljerer ofte gjennom Os terminal på kveldane. Om det var her dei kom frå er uvisst, men bilisten blei uansett observert.

– Mannen, som er i slutten av 20-åra, sa han køyrde «på gamal vane», fortel politioverbetjent Anne Lyssand.

Denne gong var det ikkje berre ei åtvaring politiet stilte opp med, bilførar fekk eit forelegg på 5.500 kroner, som han vedtok.