Køyrde tvers over rundkøyring mens politiet såg på

Bildeserie:

1 av 1

I 5-tida natt til laurdag blei ein bilist stoppa av politiet etter å ha køyrd tvers over midtrabatten på rundkøyringa på Ulvenvegen, ved Svegatjørn.

– Bilisten blei observert av patruljen då han køyrde over. Vedkomande har ikkje hatt førarkortet så lenge, men det er foreløpig ikkje tatt beslag, fortel politiet.

Men han er meldt for uaktsam køyring og for skadeverk.

– I tillegg måtte han rydda på plass jord etter seg med spade og rive før han fekk køyra frå staden.

Mopedist slapp unna med 2600 kroner i forelegg

I helga har politiet òg stoppa ein ung mopedførar. Mopeden mangla lys, og førar fekk forelegg på 2600 kroner.

– I tillegg var skiltet vippa opp, noko som kan gi forelegg, men her slapp han unna med pålegg om å utbetra posisjon så registreringsnummeret blir synleg.

Brukte mobil under køyring - fekk to prikkar på førarkortet

Fredag i 19-tida blei ein bilist observert mens han brukte handhalden mobiltelefon.

Oservasjonen blei gjort i Os sentrum, bilen blei stoppa litt utanfor sentrum.

– Bilførar fekk forelegg på 1700 kroner og to prikkar på førarkortet.

Brann i lyktestolpe

Klokka 23 laurdag kveld kom det melding om brann i ein lyktestolpe i Gymnasvegen.

– Det var òg ein leidning som hang og slang. Brannvesenet og BKK tok over, og vi har oppretta sak, fortel vakthavande ved Os lensmannskontor.

Elles har laurdag kveld og natt til sønda, trass folksam torgfest i Os sentrum, vore roleg for politiet.