Krakilsk gjest måtte leggast i bodycuff

I 2.30-tida, ved ein av utestadane i Os sentrum, kom det natt til søndag melding om problem med ein gjest som var heil krakilsk.

– Han hadde bete og slått etter dørvaktane. Då patruljen kom fram prøvde han å motsetta seg og slo og sparka mot politibetjentane, fortel politiførstebetjent Kenneth Rastad.

Mannen, som er i 20-åra og nyleg domfelt for vald, blei tranpsortert til arresten i Bergen.

– Då vi kom til Bergen var han framleis like aggressiv. Til slutt måtte han leggast i sokalla bodycuff, der både armar og bein er låst.

Vedkomande blir meldt for å uroa offentleg ro og orden og for forulemping av offentleg tenestemann. Ein eller fleire av vaktane ved utestaden kan også koma til å melda han.