Kulturskulen i julestemning
Bildeserie:
Det blei gitarsoloar, trommer, tangentar, solosong og dans då rundt 100 elevar frå Os kulturskule hadde julekonsert som avslutting på hausthalvåret måndag kveld.
– Vi kunne hatt med alle elevane, men då ville konserten blitt veldig lang, sa lærar Jon Sæbø, som var konferansier for kvelden.
SJÅ VIDEO NEDST I ARTIKKELEN
Etter afrikansk dans som introduksjon fekk vi høyra flinke gitaristar, frå dei yngste på 8-9 år, til solosong og dans av elevar opp til vidaregåande skule.
Solosongarar i går var Hillevi Høyem (Winter Wonderland), Mari Harju (Sonjas Song), Nikita Sudmann Viken (Mistletoe) og Selma Bunæs (Have your self a merry little christmas).
– No har vi hatt ei god gruppe med Fantorangen for fullsett sal for cirka ei veke sidan, og så denne fine kvelden i går, seier rektor Christian Breisten.
Tar opp nye etter nyttår
Os kulturskule har rundt 450 elevar. Over nyttår byr skulen på fleire ledige plassar.
– I januar tar vi også opp nye elevar, blant anna på kor og blåseinstrument, fortel Breisten.
VIDEO: Sjå delar av innslaga under juleavsluttinga med Os kulturskule. (Foto: KVB)