Anda på marknadsdagar i Os i dag. (Foto: KVB)

Kva er det med denne anda?

Den siste månaden har ho dukka opp på 17. maifeiring og ved bryggedans i Mobergsvika. I dag kom svaret på kva anda gjer i Os.

image
image
image
image
Av: Kjetil Vasby Bruarøy

Natt til 17. mai fortalte politiet i Os om funn av ei kjempestor oppblåsbar and i Os sentrum. På dagtid, under feiringa, låg anda i dammen på Kyrkjeflaten.

Under bryggedansen på Os Sjøfront laurdag låg anda fortøydd inntil den nye badebrygga i Mobergsvikjo, men forsvann i 10 knop retning Fusa då ho skulle flyttast på.

– Vi skulle henta anda med ein oselvar, og hadde ikkje sjanse å henta ho igjen med robåt då vinden tok tak i ho, seier Linda Haaland Eide.

– Vi var heldige at nokre i ein raskare båt fanga den opp utpå fjorden.

Startar andeløp

Kven eigar av anda har vore, og kva bodskapen er, blei først kjent i dag.

Anda står utstilt i Os sentrum med plakat som fortel at det snart kjem fleire tusen små ender til Os.

– Det er Os Turn Handball si and. Ho kom frå Kina i vår og ho hjelper oss med å promotera eit andeløp vi vil arrangera til hausten.

Avansert loddsal

Andeløpet er ei form for loddsal. Alle småendene som er på veg er nemleg nummerert, og osingar kan teikna seg som fostermor for ei lita and.

Så skal endene sleppast i Oselvo.

– Bane er førebels ikkje bestemt, vi får sjå elva an, korleis straumen er.

– Den som er fostermor til dei endene som kjem først i mål vinn fine premiar.

Tidspunkt for andeløpet, som har fått eiga side på facebook, er ikkje bestemt, men etter planen blir det ein gong i løpet av september.

 

 

Fleire saker