– Kva med tyfonanlegget?

Om tyfonanlegget: Sivilforsvaret har sireneanlegg (tyfonar) for varsling av befolkninga ved akutt fare. I fredstid kan slik varsling vere aktuelt ved gassutslepp frå industri eller dambrot i vassmagasin. I krig kan varslingsanlegga brukast ved fare for flyangrep.

I førre veke var vi på ei siste vandring i den gamle brannstasjonen og Allaktiviteshuset, som no blir rive.

I den samanhengen fekk vi spørsmål frå ein av lesarane våre om kva som skulle skje med sireneanlegget som er montert på branntårnet på bygget.

Vert flytta til Os ungdomsskule

Sivilforsvarsadjutant i Hordaland sivilforsvarsdistrikt, Hans Erik Myren, fortel til Midtsiden at anlegget skal opp att på ny plass.

– Vi plasserer anlegget på Os ungdomsskule.

– Det er faktisk ei planlagd ei synfaring med Os kommune i dag, og om det ikkje er manglar i infrastruktur vil dette bli montert innan kort tid.

– Kva om?

– Om det skulle oppstå ei hending i «nedetida», korleis vil folk i Os sentrum bli varsla?

– Dersom det skulle bli behov for å varsla befolkninga i Os, kan det køyrast ut eit mobilt anlegg.

– Det ligg òg ei mobilbasert løsning i «løypa» som truelg vil bli funksjonelt innan utgangen av året. Dette vert då eit supplement til eksisterende tyfon-anlegg, avsluttar Myren.