Sport | 26. mars 2013

Kva om styrmannen ramlar uti?

Er du interessert i segling? Eller allereie mannskap eller gift med ein seglar? No vil Os Seilforening har deg på kurs.

Kva om styrmannen ramlar uti?
Svein Skoglund inviterer til kurs i segling. (Arkivbilde. Foto: Svein Holm)
Kjetil Vasby Bruarøy
Kjetil Vasby Bruarøytirsdag 26. mars 2013 10:07

For enkelte er seglesesongen allereie i gang, tre båtar frå Os stilte i Isbjørnen 2013 i mars.

Men det er i desse dagar det startar for dei fleste, med oppussing i påsken, sjøsetjing 20. april og første trimmingsseglas tysdag 30. april.

– I forkant av sesongstart, tysdagane 16. og 23. april, inviterer vi nybyrjarar og dei som har vore litt med som mannskap til kurs i hamna på Strøno, seier Svein Skoglund frå Os Seiforening.

– Det blir gjennomgang av teknikk og teori, litt om regatta, men mest om det å koma i gang, det å vera på tur. Vi har tryggleik i fokus, og dette er eit kurs mange bør få med seg om dei skal i seglbåt i sommar, meiner han.

Kva om du ufrivillig blir rormann?

– Kva gjer du om styrmannen seignar om? Kan du i det minste ta ned segla? spør Skoglund.

Noko av det verste som kan skje er mann-over-bord.

– Kva om nokon ramlar uti, klarer du å bruka vinsj og bom til å heisa dei om bord, utan å gå så nær med båten at han som ligg i sjøen risikerer å bli slått ihjel?

Kurset har to kveldar med teori og nye datoar med praktisk øving i båt. Dei som har eigen båt kan få skreddarsydd instruksjon om bord i eiga skute.

Sport og idyll

Os Seilforening har fleire hundre medlemmar og er aktive i regatta kvar veke gjennom sommarhalvåret.

– Enkelte tysdagar er vi gjerne 40 båtar i sving på Korsfjorden, med 4-5 i kvar båt er det ganske store idrettsarrangement som går av stabelen utan tribune.

Skoglund seier han har merka ein positiv trend dei siste åra, med fleire som viser interesse for segling.

– Å ta kurs og vera med som mannskap er ein god start. Det er ofte nokon som treng ekstra mannaskap og eit godt miljø i foreininga, for dei som vil læra meir praktisk segling.

– Men for mange handlar det berre om tur, å sleppa utgifter til diesel, å sleppa støy, å læra seg å bruka naturkreftene til framkomst. I ein seglbåt kan du velja, du kan gjera litt sport av det og jobba aktiv med vinden, eller setja båten på autopilot og nyta freden, reklamerer segle-entusiasten frå Os Seilforening og Tina for II, Svein Skoglund.

Spennande? Vil du ha ukas høgdepunkt i innboksen?

Tilbod: 1 månad for 1 kr

No kan du lesa Midtsiden.no i 1 månad for kun 1 kr.

  • Tilgang til alt innhald
  • Utan bindingstid
  • Frå 145 kr/md.
Les meir og bestill

Abonnementet blir fornya kvar månad. Du kan seia opp kor tid du vil, og blir då ikkje belasta for neste periode.