Statitistisk Sentralbyrå kom i dag med namnetoppen for 2015.
William har etter over 30 år med klatring nådd namnetoppen, den engelske formen for Wilhelm blei gjeve til 474 gutar i fjor.
Emma kom for fullt i 2003 og har sidan dominert på namnetoppen. No er Emma, for 8. gong, på topp. 449 fekk namnet Emma i 2015.
Men slår vi saman Sofie og Sofia er dei suverent på topp. I staden er dei skilt som to namn og ligg på 4. og 6. plass.
Oliver og Olivia er blant dei som har klatra mest.
Flest som heiter Anne og Marie
Sjølv om dei to namna er populære kan dei ikkje måla seg med Anne. Berre 1,5 prosent fekk namnet William eller Emma i fjor. Då Anne var på topp fekk heile 5 prosent dette namnet.
Anne er framleis størst som første fornamn, men det er fleire som har Marie som første eller andre fornamn, 76.230 mot 66.677.
På herresida er det flest som har Jan som eitt av fornamna (55.539).
Spår Saga som neste motenamn
Namna som blir populære i Noreg har ofte vore på topp i Sverige i forkant, som William, som var på topp i 2003, etterfølgd av Lukas.
På topp i Sverige ligg Alice, Maja og Saga, og SSB.no trur Saga kan bli eit populært namn i Noreg i åra som kjem. 81 fekk namnet Saga i Noreg i fjor.
Topp 10 - jenter
1. Emma
2. Nora/Norah
3. Sara/Sahra/Sarah
4. Sofie/Sophie
5. Olivia
6. Sofia/Sophia
7. Emilie
8. Ella
9. Leah/Lea
10. Maja/Maia/Maya
Topp 10 - gutar
1. William
2. Mathias/Matias
3. Oliver
4. Jakob/Jacob
5. Lucas/Lukas
6. Filip/Fillip/Philip/Phillip
7. Liam
8. Aksel/Axel
9. Emil
10. Oskar/Oscar
Kjelde: SSB.no