Torill Bakke er PT, fysioterapeut, kosthaldvegleiar og fast spaltist i Midtsiden. (Arkivfoto: Kjetil Vasby Bruarøy)

Kva skjer om du droppar treninga i desember?

Fire negative konsekvensar av å ta heilt fri i jula - og to tips til enkelt «vedlikehald».

Av: Kjetil Vasby Bruarøy

Fysioterapeut og personleg trenar (PT) Torill Bakke er fast Midtsiden-spaltist, og kjem i starten på kvar månad med gode råd innan trening og ernæring.

• Førre artikkel: Quiz om kosthald og trening

Desember er for mange ein hektisk månad med julebord, juleavslutningar, handleturar og mykje kos. Med god planlegging og prioritering kan du likevel få tid til å trena.

Dersom du er i selskap med dei som trener regelmessig og godt igjennom heile året, så er det ikkje full krise å ta seg nokre veker treningsfri. Men å ta treningsfri i heile desember kan samla sett kosta meir enn det smaker.

Kva skjer om du tar treningsfri i hele desember?

Kontinutet i treninga, altså det å trena regelmessig, er eit at dei viktigaste prinsippa for å få resultat. Trening er ferskvare og ein månad utan trening vil påverka formen din negativt.

• Ein månad utan trening gjer kondisjonen din merkbart dårlegare. Styrkemessig blir du svakare, muskelmassen din blir redusert og teknikken din i øvingane blir dårlegare. I kor stor grad du mister styrke og kondisjon er individuelt og avhengig av utgangspunktet ditt.

• Heile desember utan trening gjer òg at du kjem ut av alle dei gode treningsvanane dine. Som vi veit tar det både tid og innsats å etablera gode vanar. Då må du jobba hardt med å etablera dei på nytt igjen når januar kjem.

I tillegg får du heller ikkje gleda av det overskotet trening faktisk gir deg. I ein travel månad som desember er det gjerne nettopp dette du treng? Så kvifor ikkje halda deg i jevn trening også i desember slik at du forhindrer dette?

Korleis kan du halda treninga ved like i desember?

Det er ikkje så mykje som skal til for å halda formen på eit ok nivå også gjennom den verste julestria, du må berre unngå å falla helt av lasset.

Ikkje ta heilt treningsfri i desember. Set deg klare treningsmål. Prioriter trening. Planlegg og sett av tid til øktene dine. Gjennomfør minimum éi treningsøkt i veka. Å ivareta helsa di er viktig, også i desember.

Når du trener mindre enn vanleg må du auka intensiteten i øktene dine for å vedlikehalda formen.

Dersom du har mindre tid til trening er mitt råd å trena korte og intensive økter når du først er aktiv.

Om det blir mindre trening enn vanleg har du mykje å henta på å ivareta kvardagsaktiviteten din.

Sørg for å gå minimum 10.000 steg dagleg.

Kos deg med juletida. Men unngå at all kos handlar om rolege dagar med kaloririk mat og mykje sukker. Finn ein god balanse mellom eit fornuftig matinntak i kombinasjon med regelmessig aktivitet, slik at januar ikkje kjem altfor brått på både med tanke på vekta og den fysiske formen din.

Planlegg og prioriter di eige helse med trening minimum éin gong i veka sjølv i den verste julestria. Trening både forebygger og demper stress, så la treninga vera eit viktig bidrag til ei meir sunn og harmonisk juletid.

Lykke til!

Ha ei riktig god og aktiv jul!

Torill Bakke
Fysioterapeut, personleg trenar og kosthaldsvegleiar
@torillbakke

Fleire saker