Lokal | 04. mai 2012

Kva ville du gjort?

Landbrukskontoret i Os og Fusa åtvarar mot aktiv hjort og fare for påkjørsle. Samtidig fortel dei kva du skal gjera om uhellet er ute.

Kva ville du gjort?
Påkjørt og drept hjort på Moberg i oktober i fjor. (Ill. foto: Kjetil Vasby Bruarøy)
Kjetil Vasby Bruarøy
Kjetil Vasby Bruarøyfredag 04. mai 2012 07:59

– Vårtrekket har byrja, hjorten er veldig aktiv på denne tida og det er større sjanse for å møta hjort i vegbanen, seier Johan Bergerud frå Fusa kommune og Os og Fusa landbrukskontor.

Han seier at mange gjer det som er rett etter påkjørsle av hjort, men ikkje alle.

– Det kan føra til unødige lidingar for hjorten.

Ofte blir ikkje hjorten liggande død på staden, men stikk til skogs, også om den er stygt skadd.

Ring politiet

– For det første er det viktig at folk veit kvar dei skal ringa, at ikkje dei kastar vekk tid på å ringa for eksempel kameratar som går på jakt, eller liknande. Vi har hatt nokre eksempel på det.

Kjører du på ein hjort skal du ringa politiet på 02800.

– Politiet tar så kontakt med kvalifisert ettersøkspersonell.

Merk staden

Om hjorten stikk frå staden etter samanstøyten så prøv å merka deg staden hjorten spring ut i grøfta.

– Det er til stor hjelp om folk merker seg staden så nøye som mogleg og markerer kvar dette er, for eksempel med ein plastpose eller eit plagg.

– Då er det lettare for hundar å starta eit eventuelt søk, ettersøkspersonellet sparer mykje tid og ein skadd hjort får færre vonde minutt før avliving.

Spennande? Vil du ha ukas høgdepunkt i innboksen?

Last ned Midtsiden-appen idag

No kan du følgja nyhende frå Os - rett i appen.

  • Gratis å lasta ned
  • Bli varsla straks noko skjer
  • Tilgjengeleg i App Store og Google Play Store
Last ned appen
For å få tilgang til alle sakene i appen må du vera abonnent.