– Kvar er Jimmy?

Bildeserie:

1 av 9

– Det er heilt fantastisk å vera på Os igjen, seier Torolf "Brakkvald" Nordbø.

SJÅ VIDEO NEDST I ARTIKKELEN

– Eg har rodd oselvar, eg har spelt med ein av Noregs beste trommisar, osingen Magne Lunde, og mitt største forbilde er frå Os. Jimmy Øvredal er ein fantastisk morosam og flink mann, eg har alt han har gjeve ut av dikt og cd-ar, seier siddisen.

I går stilte han med kameratar frå ei revygruppe i Stavanger. Medlemmane går under namna Brakkvald, Luddvald, Ingvald, Rockvald og Sjur - medan bandet heiter Innantes Cool Rootsband.

– På nynorsk blir det vel Innantes Kål-Rotsband, men vi måtte vera litt interkommunale og kjørte det på engelsk, forklarer Brakkvald, klar for å spela ein parodi på blues.

Dans og song frå Os

Blant dei meir lokale utøvarane som var på audition måndag var osingane Daniel Fagerlid Andreasson (13), som dansar hip-hop, og cheerleadarane Stine Bråten Johannessen og Hannah Roman, begge 15 år gamle.

Daniel har gått på kurs hos Søre Neset ungdomslag dei siste åra, og hadde med seg instruktør og mentor Henrik Nordin frå MixMaster Cru. Dansegruppa MixMaster Cru kom på 2. plass i førre runde i Norske Talenter.

Stine og Hannah var del av 14 frå hovudlaget på 23 frå Gneist Stingers.

Talent frå Samnanger og Fusa

I Vargasalen, som var vente- og øvingsrom desse to dagane med audition, møtte vi også dei unge rockarane i bandet Second Circuit frå Samnanger.

Second Circuit vann rockekonkurransen Battle of Bjørnafjorden i fjor haust og har blant anna spelt på Søfteland Rock N LOL og varma opp for Honningbarna i Haugesund.

– Til helga skal vi spela på Garage, fortel vokalist Magnus Magnussen.

Også fusingen Idar Rolland (13) var på audition. Idar, som både gjekk til landsmønstringa i UKM og vann Up & Coming på Er-An Veikro tidlegare i år, hadde blitt kontakta av TV2 og Monster og blitt invitert på audition.

– Hadde det vore ei rein låtskrivarkonkurranse så hadde eg takka ja, men eg var litt usikker på om dette er rett plass for meg, med så mange ulike artistar. Eg måtte tenkja på det ei stund, men fann ut at sidan eg blei invitert på den måten så var det greit å stilla, sa Idar før han gjekk på scenen i går kveld.

Frå Aust-Agder til Oseana

Lang ifrå alle deltakarane var lokale heltar. I tillegg til fleire bergensarar og folk frå Stavanger var Celine Lunde (13) frå Birknes i Aust-Agder på scenen.

– Eg fekk min første gitar i februar i år og deltok på UKM. Eg har ikkje tatt timar eller gått på kurs, berre øvd for meg sjølv, fortel Celine, før ho gav Midtsiden ein smakebete på Radioactive.

Også dansarane Arman, Benjamin og Storm frå Fana og Nesttun, i gruppa B-Funky, viser seg fram i videoen under.

VIDEO: Under kan du sjå stemningsrapport frå gårsdagens øving før audition. Her kan du sjå video frå søndagen. (Foto: KVB, midtsiden.no)