Kven er raskast på Vestlandet?

Bergen Poker Run, som har vore arranger dei fleste åra sidan starten i 2005, svingar ofte innom Askvik og Øyane (pitstop på Vedholmen Landhandel), seinast i fjor.

• Les òg: Fauk innom Øyane

– Poker Run skal innom Vedholmen i år òg, fortel arrangør Knut Steen Rakner, på plass på Dra til Sjøs for å sjekka dei raskaste båtane på messa.

Bergen Poker Run 2017 blir arrangert same helga som Osfest, fredag 11. til søndag 13. august.

Fleire osingar har deltatt ulike år.

• Satsar på 120 knop
• Monsterfabrikken

Nytt i år: Fartsetappe!

Dei raske deltakarbåtane har halde høg fart på delar av etappane, men det har til no ikkje vore kappkøyring eller premiering på tid.

I år blir det andre bollar.

– Vi lager Bergen Grand Prix i år, som del av BPR, med race godkjent hos Norges Motorsportforbund. Distanse og bane er førebels ikkje bestemt, men vi har dato og program.

Fredag og laurdag er det Poker Run, søndag er det tid for Bergen Grand Prix, med vannskuterar først og båtar etterpå.

– Det blir open klasse i «leisure boats», med offisielle fartsetappar for dei raskaste båtane og vannskuterane på Vestlandet, seier Jarle Jokiel, styreleiar i det nyoppretta selskapet Speedball AS, arrangør av den spreke båthelga i Bergen og Os.