Kvinne køyrde i autovernet - mistenkt for promillekøyring

Ein bil køyrde i autovernet på E39 Byvegen på Søfteland i natt.

Uhellet skjedde litt før klokka 03.50.

– Det er ingen personskade, men vi har mistanke om promillekøyring, opplyser Vest politidistrikt.

Bilen måtte tauast vekk.

Bilførar, ei kvinne i slutten av 40-åra, blei tatt med for blodprøvetaking. Det er oppretta sak.

Oppdatert/retta: Politiet opplyser torsdag formiddag at det likevel ikkje er tatt beslag i førarkort. Dei ventar på resultat av blodprøve. Kvinna erkjenner ikkje straffeskyld.