Kvinne ramla på sjøen

Litt før klokka 8 i dag rykte politi, brannvesen og ambulanse ut på melding om person i sjøen.

– Vedkomande hadde ramla utfor brygga ved Os Sjøfront, fortel politibetjent Kjetil Hansen.

Brannvesenet stilte med dykkarar, men då redningsmannskapet kom fram hadde personen kome seg på land.

– Kvinna, som er i 30-åra, blei undersøkt på staden og kom uskadd frå hendinga, opplyser politiet.

Åtvarar mot ferdsel på glatte brygger

– Mange brygger er våte og glatte no om hausten, ver varsam!

I stormen onsdag reagerte Os brannvesen på ferdsel av skodelystne på bryggene i Os hamn.

– Bryggene er glatte, og når bølgjene skvulpar opp som dei gjorde onsdag kveld skal det lite til for at du ramlar. Hamnar du i sjøen så blir du fort kald, og når bølgjene er høge kan det vera vanskeleg å koma seg på lan, åtvarar Anne Kjersti Storebø frå Os brannvesen.