Kvinne utsett for blotting

Ei kvinne som fredag sto i Søvikvågen, nær avkjørsla til ungdomshuset og venta på bussen, blei utsett for blotting.

– Ein liten grå bil kjørte forbi. Så snudde føraren, som var åleine i bilen, og kom tilbake og spørte etter ei retningen, fortel politioverbetjent Terje Sperrevik.

Kvinna forklarte og peika, men oppdaga så at føraren, ein ung mann, sat og viste fram kjønnsorganet sitt.

– Han kjørte raskt frå staden. Patruljen var ute og leita etter han, men fann han ikkje, seier Sperrevik.

Har du tips i saka kan du ringa politiet på 48002480.

Skremt av helikopter

I løpet av helga har politiet også fått melding om knust rute i hytte på Drange og hestar som var skremt av helikopter.

– Eit helikopter skal ha flydd for lågt over Lyssand, sånn at hestane på staden blei skremt.

– Ei hytte på Drange har fått knust ei rute. Det er ikkje mistanke om innbrot eller tjuveri.

Kontroll og vassjetkjøring

Politiet har også fått melding om tullekjøring med vassjet i Os hamn, men var då opptatt og fekk ikkje rykka ut.

Laurdag formiddag hadde politiet trafikkontroll på Lepsøybrua. 26 blei kontrollert, alle var OK.